ping

3.  希望保留現有資料, 並升級成新版; 再開新版的新伺服器

我覺得有新版...舊版都會無乜人玩...留唔留無分別-_-
如果新版配點 武器 輔助 等等平衝都唔同晒...大家都要重新升過
咁保留舊版資料既意義在於現有富豪仍然係富豪...
呢點我覺得大家重新再來仲開心...原因劣略...奇實大家都心照XD
或者可以考慮對部份達到某個條件既帳號作出些少補償...

特別提一提...唔想爆lv無得升-_-...
如果限制lv因為點數問題 平衡問題...
將高級點數改少...或升級所需exp加大吧...

ping

我同無名一樣支持 多易升的LV
就如佢所講咁樣...

合成材料入手難度(掉落 拍賣 活動 等等)...這方面都好支持...
不過我既界限係"只要肯努力 你都有機會擁有"
唔想太過少人有...一世背負著...
"一次不夠運...即使多努力...也永遠無機會得到"...既命運-_-

合成材料分級...如果真係指同一樣item要分lv...呢方面就唔多支持...
現有合成法已經幾繁複下...再加級數會更煩更多樣物品
(真係做呢樣野...都唔會係只有少數合成法需要啦)
流通量問題...會製造更多垃圾...然後倉又唔夠位XD
如果硬要加既...青銅黃金水晶 新高達合金 之上再加都可以接受
(不過最好攪左材料可重疊只佔1格倉庫先)
而且現有材料...本來已經係不明示既分級制(需要進化/合成 不同物品)
加多d 新武器(升等 或是 合成)又好接受喎XD

我覺得可以將"一次性改造"轉變一下
加大成n次...甚至無限次改造XD...咁就太過份
可以改成 1次大改造+無限次小改造
武器改造現有情況係...全4項改造後大概係未改造前既200%攻擊力
可以改變成1次性大改造後大概係100%...然後每次小改造1%
(概念如此...實淺再議...或者可以設定成lv同改造點數上限有關)
如果配合埋lv上限放寬...lv100=200%改造...lv200=300%...lv300=400%
咁又多一個動力升lv啦...人總會鐘意追求高處既...
機體改造方面都可以有類似變化...
甚至加入屬性系統...係老土d...不過好實際...多變化好多

戰鬥方面...真係無得頂
一方面礙於server負賀 遊戲平衡 ...已經要等幾秒先打得...唔夠流暢
打落去又真係無乜變化...可以話係一直打無需要望戰果
隨機掉物係我最想有既...不過掉落機率真係一個非常難設定既事項
其次係自訂義機體/機師圖片...真係無咁悶
點樣可以無咁無聊....真係諗唔到
加入隨機發動性技能...可能會無咁悶(以下亂up...)
100防可以學完全擋掉
100回可以學分身完全閃掉
100攻可以學雙擊打出雙倍威力
100命可以學重擊打出武器最大值

奇實我玩咩game都係...enjoy 研究 討論...多過實戰 儲lv $ item

ping

奇實都心知建議歸建議...一講到平衡無人幫到你
所以講完...反映左意見就算架啦...等你煩餐飽

掉落物品...應該離不開$ 礦物材料 改造點數 能力成長點數(或其怹新野)
跌d太普通既野又係會攪到變垃圾倉...市場超負賀

咁又係...風格真係幾重要...一諗到個個d圖唔同亂到死都幾驚
奇實有新界面已經好有新鮮感了...

ping

嗯...機體方面真係要花d心思改改佢
仲有就係點都要改改en回復量方面羅-_-...

相信鐘意 高達/機戰 既人...每人都有唔少鐘意既機體
現在就係因為機體能力影響戰鬥能力...攪到個個都用回系防系能力最勁果2部機
鐘意弱機體既人亦多的是...我鐘意吉姆...
就一定要接受用一部弱能力既機?...即係叫我一定要用勁機啦...唔係唔夠人打
亦限制左因為要設定能力既平衡...唔可以亂加機體...只有幾十部機選擇太少啦
強列要求...機體同能力完全無關 ...只係個殼...即係只得個樣...唔駛煩
咁大家都可以用反自己鐘意既機體...而且可以簡易地換機
(要求: 錢...改造點數...角式等級...角式4維能力 之類)
改造能力可轉換到其他機體...咁當然都會有能力限制...點改點限就唔知啦