Clockenflap音樂及藝術節（英語：Clockenflap Music and Arts Festival，簡稱「Clockenflap」）是每年舉辦的香港音樂及多媒體藝術節。音樂節包含了來至各國以及內地的音樂團體，同時亦有邀請香港本地樂隊，條件是樂隊在音樂上和現場表演的能力要有一定的水平，藉此可以啟發及鼓勵較小型的樂隊要努力提升水平以有機會可踏上更大的舞台[1]。除了音樂之外，Clockenflap亦有設置多媒體藝術區，當中包含了藝術裝置、數碼藝術和兒童娛樂及動畫等元素。2012年，Clockenflap有超過二萬進場人次，使活動於當年被視為香港最大之音樂活動。
西九海濱長廊舉行嘅Clockenflap音樂節，噚晚終於輪到蘇格蘭搖滾勁旅Travis，表演近個半鐘期間，不但為歌迷送上《Closer》、《Sing》及《Turn》等近廿首新舊歌曲，大批觀眾不時大大聲一齊合唱，戴住帽嘅主音Fran Healy換咗新形象見香港fans，今次留咗一大執白色長鬚登場，整晚都心情大好，不停講笑話，又話留鬚嘅自己似聖誕老人，明明獻唱送給母親嘅一曲《Mum》，卻指父母都係「混蛋」，自己盡量避免步其後塵，到唱《Where You Stand》時，又刻意走到台下跟觀眾近距離接觸。
唱到encore時，Travis四子攬住唱出《Flowers in Your Window》，呢個時候西九下起綿綿細雨，加上樂隊獻唱《Why Does It Always Rain On Me》埋齋，意境十分配合，睇騷嘅觀眾乘機打起雨傘支持偶像，仲有樂迷專登帶定代表佔中運動嘅黃色雨傘，形成一片傘海，係繼首日台灣樂隊閃靈演出嗰陣出現黃傘後，連續第二晚有台下觀眾睇騷時乘機撐傘！
[attach]15501[/attach][attach]15502[/attach]
來自蘇格蘭的五人post-rock樂隊Mogwai，就係9點鐘開始係Harbourflap個舞台演出，演奏咗《Hunted by a Freak》等歌曲，由於曲風較緩慢加上主要都是純音樂，觀眾都搖擺住身體嚟欣賞。
