機械人大戰 Online! - Powered by Discuz! Board

標題: 直接o係我xanga copy出來:D [打印本頁]

作者: SiuYiu 時間: 2008-2-23 02:00 標題: 直接o係我xanga copy出來:D

我覺得
1.) 人地自唔自拍係人地自由,呢樣野無得鬧架喎.話人變態?話人自戀?影張相姐,增加情趣姐大佬..性行為姐人地私人既事有咩好鬧?
2.) 話佢唔妥善保存俾人偷左,呢樣野都未證實..都有報紙話佢已經set左密碼啦.咁set左密碼都俾人偷就無計架喇..佢都唔係專業人仕,能力有限咋喎.
3.) 話佢電腦屎唔識保安唔應該拍短片..我覺得呢兩樣野無直接關係囉.我相信好多人電腦知識同EDC一樣,甚至比佢屎,以網上購物為例,我相信大把人都唔完全理解佢既安全性,但依然都有用.咁係咪代表所有唔完全理解網上購物安全性既用家全部都錯,全部都要俾人鬧呀?
4.) 話d女仔未必自願..呢樣要等差佬告入左佢先講得喎..未定罪最多咪疑犯,唔係罪犯喎..幾重罪都好,你都唔可以對疑犯用刑架啦.
5.) 話佢花心搞咁多個?首先唔止佢一個啦下話?都有人話PG背住檸檬鬼混啦.又無咁多人話佢既?好多人都雙重標準?而且大家都證明唔到EDC果時一腳踏兩船住.d女角只係話佢天真同好傻,可以只係指拍片,無指俾人呃架喎.
6.) 話佢濫交,暫時數數埋埋10隻手指數得晒,我唔信咁叫好出奇囉.大家又唔可以假設佢仲有好多無拍到片或無爆到出來.無證無據..況且咪話男仔,我好相信香港都大把女仔一世人超過10個性伴侶.
7.) 話佢不負責任逃離海外.果個係明星.遇到咁既事記者一定日夜追住.女角都呢埋幾日啦.因為怕俾記者煩,週街又有人話追殺佢,差佬又話查佢..黑白兩道加埋灰色墻頭草都話唔放過佢,俾著我係佢都留得青山在啦..發段短片返來都叫做佢都希望可以做返D野幫下女角,比起好多港男叫有負責任啦.
8.) 話人段野用英文?依家有中文翻譯你睇得明咪得囉.佢用中文咁留到海外果D唔駛理啦?依家話晒英文都仲係國際語言呀.況且英譯中既人一定多過中譯既人.中文英文無咩好嘈啦.

作者: 無名 時間: 2008-2-23 03:21

大部分都贊成ge..

條仔呢...平心而論.....還ok....

除左主觀的樣衰衰之外...冇大錯誤

不過...牽涉咁多人..而源頭又係佢.....

眾矢之的......冇得走....硬食...

性交唔係唔可以.......交幾個都唔係大問題...大家成年人...你情我願...

有幾多真係虔誠基督徒 or 我哩種老古董？？

不過.....若果搞人情人/老婆呢....就賤d...

同時間一腳踏幾船又係賤d..

除此之外.....都冇咩好講啦...賤人都街都有啦...

不過呢...講到set密碼...=_= 真係有set？？

如果保密措施做得好...唔會俾人搵到擺"料"個file掛？？真係以為果個係"奇拿"阿？？搵FBI都未必破到個長密碼啦....唔知佢用邊個軟件呢...

=====

不過呢...真係X條仔的人唔多..

大部分人都係...食花生睇戲...

娛樂圈始終都要有D另類D ge節目"愚樂"下大家ge...

good file.....

清晰度差少少..(謎之聲：果時未有高清嘛！)

============

亦奉勸各位...咪影d咁eg相..

貪得意..影完記得即刻刪左佢....張卡都要燒埋先得....

勒索/身敗名裂就係咁來...

若要人不知...除非己莫為...

歡迎光臨機械人大戰 Online! (http://www.frwonline.com/discuz/)